OMAG

اتفاقية استخدام منصة OMAG وخدماتها

هذه الاتفاقية بين منصة OMAG («المنصة» أو «نحن») وصاحب الحساب المسجل فيها («العميل» أو «أنت»). بضغطك على «أوافق» أو باستخدامك للمنصة، أنت توافق على كل ما فيها.

1. وش تقدم OMAG

المنصة أداة لمتابعة المبيعات واتخاذ القرار: لوحة تنفيذية، مستهدفات، تطبيقات توصيل، عروض، تقييمات، وتقارير، حسب نشاطك وباقتك.

وتقدم OMAG خدمات إضافية ينفذها فريقنا (مثل التصاميم، خرائط جوجل، إدارة السوشال ميديا، إدارة الإعلانات، «صفحتي») بأسعار ومدد توضح في صفحة «خدمات OMAG» وقت الطلب.

2. الحساب

أنت مسؤول عن صحة بياناتك وبيانات نشاطك، وعن سرية كلمة المرور، وعن صلاحيات المستخدمين اللي تضيفهم.

لكل حساب مستخدم رئيسي، ويقدر يضيف مستخدمين حسب باقته.

3. الاشتراك والدفع والتجديد

الأسعار معروضة في المنصة، وتنضاف ضريبة القيمة المضافة إذا كانت مطبقة، وتوصلك فاتورة لكل دفعة.

التجربة المجانية مدتها محددة في صفحة الأسعار، وبعدها تختار باقتك وتدفع عشان يستمر الحساب.

إذا فعّلت التجديد التلقائي، نخصم قيمة الفترة الجاية من بطاقتك المحفوظة عند بوابة الدفع قبل نهاية الفترة، ونرسل لك تذكير قبلها. تقدر توقف التجديد التلقائي متى ما تبغى من «اشتراكي» أو «خدمات OMAG».

الكوبونات والعروض والهدايا (مثل شهر الدعوة) حسب شروطها المعلنة، وما تتحول لفلوس.

4. الخدمات الإضافية

نبدأ تنفيذ الخدمة بعد الدفع ووصول المواد المطلوبة منك (مثل المنيو والصور والشعار). مدة التسليم المعروضة تبدأ من وصول المواد.

للتصاميم تعديل واحد مجاني بعد التسليم، وأي تعديل إضافي يُطلب كتصميم جديد.

في إدارة الإعلانات: ميزانية الإعلان تدفعها أنت مباشرة من حسابك الإعلاني، ورسوم OMAG للإدارة فقط. نتائج الإعلانات تعتمد على عوامل كثيرة وما نضمن رقم معين.

في إدارة السوشال ميديا: ننشر المحتوى بعد اعتمادك له في «تقويم المحتوى»، والمنشور المعتمد يُعتبر موافقة منك على نشره.

بعد سداد قيمة التصميم، تصير لك حقوق استخدام التصميم لنشاطك. ويحق لـ OMAG عرض نماذج من أعمالها بدون أي بيانات مالية عنك، إلا إذا طلبت غير كذا.

5. بياناتك وخصوصيتها

بياناتك ملكك. كل نشاط معزول ببياناته، وما نبيع بياناتك ولا نشاركها مع أي جهة، إلا لتشغيل الخدمة (مثل بوابة الدفع وخدمة الإيميل) أو إذا طلبتها جهة رسمية نظامًا.

فريق التصميم والتسويق يشوف بس المواد اللازمة للخدمة اللي طلبتها، وما يشوف مبيعاتك.

نتعامل مع البيانات الشخصية حسب نظام حماية البيانات الشخصية في المملكة العربية السعودية.

تقدر تطلب تصدير بياناتك أو حذف حسابك بمراسلتنا.

6. حدود المسؤولية

الأرقام والمؤشرات والاقتراحات في المنصة مبنية على البيانات اللي تدخلها، وهي أدوات تساعدك في القرار وما تعتبر ضمان لنتيجة.

نبذل جهدنا عشان تكون المنصة شغالة دائمًا، لكن ممكن يصير توقف مؤقت للصيانة أو لأسباب خارجة عن إرادتنا.

مسؤولية OMAG في كل الأحوال ما تتجاوز المبلغ اللي دفعته لنا عن آخر شهر.

7. الإلغاء والاسترجاع

تقدر تلغي اشتراكك متى ما تبغى، ويبقى شغال لين نهاية الفترة المدفوعة.

المبالغ المدفوعة عن فترة بدأت ما تسترجع. والخدمة الإضافية اللي بدأ تنفيذها ما تسترجع قيمتها، ولو ما بدأنا فيها نرجع لك المبلغ كامل.

8. إيقاف الحساب

يحق لنا إيقاف الحساب إذا انستخدم بشكل مخالف للأنظمة أو لهذي الاتفاقية، أو إذا انتهى الاشتراك وما تجدد، مع بقاء بياناتك فترة معقولة تقدر ترجع لها.

9. تعديل الاتفاقية

ممكن نعدل الاتفاقية، وإذا كان التعديل مهم نطلب موافقتك عليه في المنصة قبل ما تكمل.

10. النظام والتواصل

تخضع هذه الاتفاقية لأنظمة المملكة العربية السعودية.

للتواصل: info@omag.live

النسخة 1